Finins

За манайхан өвлийн зугаалгаа өчигдөр хийж өндөрлөлөө. Гоё сонирхолтой зугаалга болсон гэж хувийн зүгээс дүгнэж байгаа, хэхэ. Өглөө 9-с цуглаад явна гэсэн төлөвлөгөөө маань удсаар удсаар сүүлдээ 12 гэж бөмбөгөр дээрээс идэх уух юмаа цуглуулаад явсан гэж байгаа.
Энхбат, Одмаа хоёрын машинд хуваагдан суусан манайхан явсаар Саруулын зусланд ирж галаа түлж, цайгаа чанаж, хөнгөн хооллов. Цай чанах зуур гэрээр нэг утаа болж гэрт бараг юм харагдахгүй болсон тул үүнийг угаар хэмээн андуурч хөглөв. (Хэн тэгж андуурсан нь нууц :P) Тэгсэн харин цайны уур байна лээ. Жаагий маань өөрийн гараар бэлдсэн том савтай нийслэл салад болон чанасан махыг ангийнхандаа бэлэг болгон барьж мань хэд нь түүнээс нь ёстой саваа дүүртэл идсэн. Миний зүгээс ангийнхандаа нэг үлгэрийн амьтан гаргаж ирж бэлэг барьсан гэхгүй юу хэхэ
Үүний дараа бүгд гадаа гарч хунгарласан шахуу их цасан дунд баахан тэмцээн зохиож арзайлдсан гэжуга. хэхэ. Шинээ маань оператор хийж баахан зураг, бичлэгийг чанарын өндөр түвшинд хийж гүйцэтгэсэн. Дараагийн нийтлэл дээр бөөн бөөн гоё зураг Шинээ маань тавих байх.
Дараа нь жаахан зайтай байх нэг уулын орой дээр гарч бүгд хийморио сэргээлээ. Маш их цастай байсан учир авирч гарахад хүндрэлтэй байсан ч Лоли тэргүүтэй хэсэг хүмүүст их амархан байх шиг байсан юм. Хамгийн түрүүнд авирч гараад хамгийн түрүүнд хамгийн осол бүхий замаар гүйн харайх шахан бууж байна лээ. :P
Дараа нь нэг хоногийн өмнөөс ярьсан алдарт хуйцаа хэмээх хоолыг цасны тэмцээнд ялагдсан баг болох Ичко, Лоли, Будмаа, Энхбат нар хйиж гүйцэтгэсэн. Тогоо дүүрэн амттай хоол хийсэн бөгөөд зугаалгаар хийсэн хоолонд ямар дутагдал гардаггүй биш, шөл нь багадчихсан.
Гэсэн ч бүгд амттай байна гэсээр идэж, сүүлийн хэсгийг нь зарим нөхөд хуурга болгож идсэн.
Хоолоо идчихээд шууд л гэр доторх тоглоом наадам зохион байгуулж, урьдчилан бэлдсэн даалуу, хөзөр хэмээх тоглоомоор наадав. Даалуу тоглоод нэлээд явж байтал нийтийг хамраагүй гэсэн шалтгаанаар даалууны комисс маань татан буугдаж "Хулгайч цагдаа" хэмээх ярвигтай тоглоомонд орцгоолоо. За тэгээд тоглож үзээгүй биш, бүгд л хэргийн сэжүүр гаргаж, зарим нэгнийгээ нисгэж байлаа. Энэ үеэр "Их тооны хууль" хэмээх ойлголтыг Чука маань гаргаж ирлээ. Хэргийн гол хүмүүс нь Чука болон Будмаа нар байлаа.
За энэ ойлголтыг дэлгэрэнгүйгээр нь дараагийн нийтлэлээс уншаарай.
Үүний дараа Одмаагийн найз залуугийн машин хүрэлцэн ирж Одмаа явсан бөгөөд тоглоомоо тоглож улайрсан бусад нөхдүүд үлдсэн юм. Сүүлийн тоглоомоо дуусгаад Энхбатын машинд бүгд чихэж, хонины хонхор хүртэл дүүрэв. Замын турш аймшигтай юм ярьсаар сүүлдээ бүгд жихүүцэж, ярьхаа болиод дуу дуулж явав. Сурмаг жолооч маань ихэнхийг нь ЭЗС дээр асгаад, үлдсэнийг нь замын дагуу гэр гэрт нь хүргэж өгөөд хамгийн сүүлд миний бие машинаас буусан билээ.

Хулан маань эцсийн эцэст ангийнхандаа хорогдож хамаг ажлаа таслаад явахаар шийдсэн..

Нөгөө "аюултай" уул

Өдрийнхөө хоолыг идчихээд цадсан улс.

Энэний нөгөө зураг нь Шинээд бий хэхэ

Уулнаас бууж ирээд хормойд нь хэвтэж байгаа нь..

Будмаа машин барихаар орилж байгаа нь..

Dangerous way..

Зуслангийн савдаг уулан дээр сууж байгаа нь..