Twitter Delicious Facebook Digg Stumbleupon Favorites More

Зугаалга

02:31 Budmaa , 10 Comments














Хавар болж хүн бүр ядрах ГЭЖ байгаа яг энэ цагт Санхүү менежментийн ангийнхан хаврын зугаалганы талаар ярих боллоо. Хүн бүр явна гэдэгтээ итгэлтэй байгаа ч яг хэдийд, хаашаа, ямар төлөвлөгөөтэй явах вэ гэдэг асуудлыг стратегийн түвшинд төлөвлөх хэрэгтэй болоод байна хэхэ.
За тэгэхлээр, энэ нийтлэлийн доор хүн бүр холбогдох саналаа ирүүлнэ үү. Нэр дэвшиж байгаа хувилбарууд гэвэл 4-р сарын сүүлээр буюу явц 2-ыг албан ёсоор эхлэхээс өмнө, хоёрдахь нь 5-р сарын дундуур буюу улирлын шалгалт эхлэхээс өмнө зэрэг байгаа бөгөөд явахыг хүссэн цаг хугацаагаа балжинням дашнямтай нь, явах газар орны зүг чигтэй нь бичиж үлдээнэ үү. Эндээс албан ёсоор зугаалганы тов тодрох бөгөөд энэ удаагийн зугаалганд ангийн бүх гишүүн оролцоно гэдгээрээ урьд өмнө зугаалгануудаас онцлогтой юм аа.
за ингээд хувилбаруудаа бичээд байгаарай,

Happy birthday and congrats to ODMAA

02:15 Budmaa , 4 Comments

За ингээд өнөөдрийн нийтлэл нь манай Одмаад зориулагдаж байгаа бөгөөд энэ 4-р сар бол түүний хувьд бөөн бөөн баяр давхцаж байгаа юм аа. 4-р сарын 3-ний өдөр түүний 20 насны төрсөн өдөр нь тохиосон билээ. Бямба гарагт тохиосон төрсөн өдрөөр нь ангийн андууд нь нийлж тэмдэглэж амжаагүй билээ. Мэдээжийн хэрэг дотны найзууд нь хамтдаа тэмдэглэж завгүй байсан биз ээ. Одмаагийнхаа талаар бүгд мэддэг ч гэсэн энд мэдээлэл орууллаа, сонирхож байгаа хүн байвал ,,,,,,,, дугаар руу залгаарай, хэхэ. Энэ мэдээж наргиан байлаа.

Тэрээр Дэлгэрэх дунд сургуулийг 2008 онд ангийн анд Буянхишигийн хамт төгссөн бөгөөд 2008 онд МУИС-ЭЗС*д санхүү менежмент1в ангид элсэн орсон юм. Одмаа маань чанга дуутайгаараа алдартай, 4-р байранд явж байхыг нь 5-р байрнаас сонсож болно гээд л. Хэхэ. Юутай ч атгасан гар шиг хорин хэдэн хүний нэг байж ангийнхаа төлөө үргэлж сэтгэл гаргаж байдаг түүнийг ангийнхан нь үнэлж байдаг шүү .

Төрсөн өдөр нь тохиож өнгөрсний сацуу түүний хоёрдахь баяр нь блог дээр урьд нь дурьдаж байсанчлан сургуулийн сагсан бөмбөгийн аварга шалгаруулах тэмцээнд амжилттай оролцсон тэрээр 4-р сарын 6-ны өдөр медалиа гардаж авсан юм аа. Энэ медаль бол он гарсаар манай ангийн авсан анхны медаль бөгөөд түүний медаль булган сүүлтэй байх болтугай.

Доор холбогдох зургийг тавьсан бөгөөд урьдчилан мэдэгдээгүйн улмаас үйл явдлын халуун цэг дээрээс зураг авч чадаагүй болно. Гэлээ ч, сонирхолдоо үнэнч байж тэмцээнд оролцож амжилт гаргасан Одмаадаа ангийнх нь зүгээс халуун баяр хүргэж байна. Цаашдаа сурлага хөдөлмөр, урлаг спортын амжилтаар үргэлж бялхаж байхыг хүсэн ерөөе өө.



Олон улсын эмэгтэйчүүдийн эрхийг хамгаалах өдрөөр

23:40 Budmaa , 7 Comments

Өчигдөр буюу 3-р сарын 8-нд ангийн хэсэг залуус маань Цэ-д Хулангийн төрсөн өдрийг тэмдэглэн суугаа охид дээрээ ирж мартын 8-ныг хамт тэмдэглэлээ. Эмэгтэйчүүдийн эрхийг хамгаалах өдөр гэсэн биш, эмэгтэй хүн эрэгтэй хүнээс юугаараа ч дутахгүйг харуулахаар Ичко маань ангийн хөвгүүдтэй гарын хүч үзэлцэж байлаа. /Зургийг доор хавсаргав./
Дараа нь Цэ-ээс гарч сургууль орон ярилцахаар товлосон байсан урлагийн бага наадамд үнэхээр орох эсэхээ шийдвэрлэсэн бөгөөд олонхийн саналаар санхүү менежмент ангийнхан энэ наадамд орох болсон юм. Харин юу хийх вэ гэдгээ сайн шийдэж чадаагүй бөгөөд маргааш буюу 3сарын 10нд бүгд хурлаар нарийвчлан хэлэлцэх болно оо. Шийдэж чадсан бол хийх зүйлийнхээ 50хувийг хийсэнд тооц гэдэг тул үлдсэн зүйл нь хялбархан байх байх гэж найдаж байна.
Бүтэн сайн өдөр буюу 3 сарын 7 нд болсон сургуулийн сагсан бөмбөгийн аварга шалгаруулах тэмцээнд манайхнаас Буянаа, Одмаа нар амжилттай оролцсон билээ. Санхүүгийн тэнхимийн шигшээ багийн бүрэлдэхүүнд орж тоглосон Одмаа маань уг тэмцээнээс хүрэл медаль хүртсэн баярт мэдээг нийт анги хамт олондоо хүргэе ээ!! Тун удахгүй шагнал гардуулах ёслол болох бөгөөд тэндээс шууд сурвалжлагаар Одмаагаа уулзуулах болно оо.



Төрсөн өдрийн мэнд хүргэе!!!

23:08 Budmaa , 6 Comments

За төрсөн өдрийн мэндчилгээнүүд цааш хөвөрч байна, энэ удаад өчигдөр буюу олон улсын эмэгтэйчүүдийн эрхийг хамгаалах өдрөөр тохиосон төрсөн өдрийн нийтлэл:
Одоогоос яг 20 жилийн өмнө монгол орон даяар, тухайлбал, Улаанбаатар хот даяар, бүр тодорхой хэлбэл, Сүхбаатарын талбай даяар монгол эмэгтэйчүүд нэг хүнийг төрсний баяр болгож цэцэг барин жагсаж байжээ. Энэ хүн бол Хулан байлаа..
1990 оны З-р сарын 8-ны өдөр буюу Мартын 8 хэмээгдэх эмэгтэй хүний хувьд эрхэм хүндтэй өдөр Хулан маань мэндэлж байжээ. Тэрээр бага ангиа хорооллын хавиарх ямар нэг сургуульд дүүргээд 5-р ангидаа Улаанбаатар хотын 1-р арван жилийн математикийн ангийн элсэлтийн уралдаант шалгалтанд орж, 600 хүүхдээс шилдэгт шалгаран 131dg хэмээгдэх гэр бүлийн нэгэн гишүүн болсон юм. Арван жилдээ математик, хими, физикийг сонирхон судалж тус чиглэлүүдээр олимпиадад өндөр амжилт үзүүлж байсныг нь дурдахгүй өнгөрч болохгүй юм. Анги дундаа нэр хүндтэй, сурлагаараа тэргүүлэгчдийн тоонд бичигдсээр их сургуулийн уралдаант шалгалтад мөн л өндөр амжилт үзүүлж эдийн засгийн сургуулийн санхүү менежментийн ангид орж суралцсан юм. Хулан бол найз нөхдийнхөө дунд үргэлж зөв нөлөөлөл үзүүлж байдаг, үүрэг хариуцлагыг өөр дээрээ үүрдэг, аливаа зүйлд асар их мэрийлттэй хүн юм. Хүн болохын тал дээр Цагаач багшаас зааварчилгаа авахааргүй хүн гэдгийг нь би мэднэ. Хэхэ. Мэдээжийн хэрэг, түүний энэ зан чанар нь түүнийг нэг өдөр маш их зүйлд хүргэнэ гэдгийг бардам хэлж чадах байна.
За ингээд Хуландаа төрсөн өдрийн халуун мэндийг хүргээд аз жаргал сайн сайхан бүхнийг хүсэн ерөөе. Анд найз нартайгаа баяраа сайхан тэмдэглээрэй.







Төрсөн өдрийн мэнд хүргэе!!!

22:51 Budmaa , 3 Comments

За Золзаяагийнхаа төрсөн өдрийн нийтлэлийг цаг тухайд нь тавьж чадсангүйд хүлцэл өчье, мөн мэдээллийг өөрийн биеэр авч чадсангүй ээ.
Золзаяа маань 1990 оны 3-р сарын 05-ны өдөр Хөвсгөл аймагт төрсөн бөгөөд тус аймгийн 3-р арван жилийн математикийн гүнзгийрүүлсэн сургалттай ангид орж суралцсаар 11-р ангиа онц дүнтэй төгссөн байна. Улмаар 2008 онд улс даяар болсон элсэлтийн уралдаант шалгалтад орж бүгдээс түрүүлэн 800 оноог авснаар та бидний адил санхүү менежмент ангийн нэг эд эс болсон билээ.
Оюутан байхдаа ч тэрээр сурлагын гайхалтай өндөр амжилтыг үзүүлсээр байсан бөгөөд оюутны математикийн улсын олимпиадад тусгай байранд орж ангийнхандаа сурлагын үлгэр жишээ үзүүлснээр барахгүй ангийнхаа нэрийг сургуульдаа өндөрт өргөж чадсан юм. Золзаяа маань ном унших дуртай бөгөөд хичээл хийхдээ бүр ч дуртай, бүр 20 нас хүрсэн шөнөө гэнэт хичээл хийсэн сураг байсан шүү, хэхэ.
За ингээд оройтсон ч гэлээ төрсөн өдрийн мэндийг дахин хүргэе ээ, Золзаяадаа цаашдынх нь сурлага хөдөлмөрт өндрөөс өндөр амжилтыг хүсэн ерөөе өө.

Subscribe to: Posts (Atom)
powered by Blogger | Хөрвүүлсэн Луяа | МУИСЭдийн засгийн сургууль